Создать публикацию

Uzbekistan

Ўзбекистонда 7 йилга қамалган тожикистонлик чўпон амнистия қилинди

 

Ўзбекистонда озодликдан маҳрум қилинган Панжикент туманилик Сулаймон Бўриев озодликка чиқарилди. Тожик телеграф агентлигининг хабар беришича, у уйидагиларга Наврўз байрамида уйида бўлишини айтган.

Бўриев 2013 йилда давлат чегарасини ноқонуний кесиб ўтгани учун 17 йилга озодликдан маҳрум қилинган. Кейинроқ суд бу муддатни етти йил этиб белгилаган.

Қариндошларининг айтишларича, у яна уч йил жазо муддатини ўташи керак бўлган, лекин Ўзбекистон ҳукумати уни Наврўз байрами арафасида озод қилишга қарор қилган.

Қайд этиш жоиз, Ўзбекистон президенти Шавкат Мирзиёев ташқи сиёсат соҳасида биринчи навбатда минтақадаги қўшнилар, хусусан Тожикистон билан муносабатларни яхшилашга киришди. Томонлар чегара ва сув-энегетика масалаларида мулоқотларни тиклади, икки давлат пойтахтлари ўртасида авиақатновлар йўлга қўйилди. Бир неча кундан кейин Шавкат Мирзиёевнинг Тожикистонда биринчи расмий ташрифи бошланади.